சென்னையில் நாளை நடக்கும் வக்கீல்கள் ஊர்வலத்துக்கு போலீஸ் அனுமதி!.அசம்பாவிதங்களை தடுக்க 100 வீடியோ கேமராக்கள் மூலம் படம் பிடிக்க ஏற்பாடு

சென்னையில் வக்கீல்கள் போலீசை கண்டித்து தொடர் போராட்டம் நடத்தி வருகிறார்கள். ஐகோர்ட்டில் நடந்த மோதல் சம்பவத்தில் தொடர்புள்ள போலீஸ் அதிகாரிகள் மீது நடவடிக்கை எடுக்க கோரி இந்த போராட்டம் நடத்தி வருகின்றனர். உச்சகட்டமாக நாளை(19-ந்தேதி) சென்னையில் வக்கீல்கள் மாபெரும் பேரணி நடத்தப்போவதாக அறிவித்துள்ளனர். தமிழ்நாடு முழுவதும் இருந்து இந்த பேரணியில் வக்கீல்கள் கலந்து கொள்கிறார்கள். இந்த பேரணி நாளை காலை 10 மணிக்கு சென்னை மன்றோசிலை அருகில் இருந்து புறப்பட்டு, சேப்பாக்கம் விருந்தினர் மாளிகை அருகே முடிவடையும் என்று வக்கீல்கள் அறிவித்துள்ளனர்.