தி.மு.க., கூட்டணிக்கு தமிழகத்தில் பெரும் தலைவலியை ஏற்படுத்தும் குறும்படம்

தற்போது பழ.நெடுமாறன் தலைமையில் அமைந்துள்ள இலங்கைத் தமிழர் பாதுகாப்பு இயக்கம் பல்வேறு போராட்டங்களை நடத்தி வரும் நிலையில் லோக்சபா தேர்தலில் இலங்கையை மையமாக வைத்து மக்களிடையே பிரசாரம் செய்ய உள்ளது. தமிழ் ஆர்வலர்கள் கொண்ட பல்வேறு அமைப்புகளும் இதற்கு ஆதரவு தெரிவித்துள்ளன. இலங்கைத் தமிழ் மக்களுக்கு எதிராக மத்தியில் உள்ள காங்., அரசு செயல்படுவதையும், அதற்கு மாநில அரசு உடன்பட்டிருப்பதையும் குறும் படத்தில் விளக்குவதுடன், தமிழர்கள் இலங்கை ராணுவத்தால் கொடூரமாக கொல்லப்படும் காட்சிகள், பாலியல் பலாத்காரம் செய்யப்படும் பெண்கள், குழந்தைகளை கொன்று குவிப்பது, கைவிரல்களை வெட்டுவது, தமிழ் இளைஞர்களின் தலைகளை துண்டிப்பது போன்ற பதற வைக்கும் காட்சிகளுடன் "சிடி'க்கள் தயாராகி வருகிறது.