தேவர் பிலிம்ஸின் ஆஸ்தான வசனகர்த்தா தூயவன் அவர்களிடம் உதவியாளராகச் சேர்ந்து தனது திரையுலக வாழ்வினைத் துவங்கி, பின்னர், இயக்குனர் கே.பாக்யராஜ் அவர்களிடம் அலுவலக உதவியாளராகச் சேர்ந்து, அவர் இயக்கிய "மெளன கீதங்கள்", "அந்த ஏழு நாட்கள்", "தூறல் நின்னு போச்சு", "விடியும் வரை காத்திரு", "இன்று போய் நாளை வா" படங்களில் உதவி இயக்குனராய் பணிபுரிந்து, அவர் இயக்கிய "டார்லிங்...டார்லிங்" படத்தில் இணை இயக்குனராய் உயர்ந்து, அவரின் "முந்தானை முடிச்சு" படத்தின் மூலக்கதை திரைக்கதை உருவாக்கம்வரை இணை இயக்குனராய் உடனிருந்து, பின்னர் 1985-ஆம் ஆண்டு வெளிவந்த பிரபு, ரேவதி நடித்த "கன்னிராசி" படம் மூலம் வெற்றிப்பட கதை, திரைக்கதை, வசன இயக்குனராய் தமிழகத்துக்கு அறிமுகமானார்.